HII NDIO KAULI YA JANUARI MAKAMBA KWA WANANCHI WA JIMBO LAKE NA TAIFA KWA UJUMLA

Naipenda kazi ya kuwa mwakilishi na msemaji wa watu. Ni kazi ngumu hasa unapowakilisha eneo ambalo kwa miaka mingi hali ya maendeleo imekuwa nyuma. Watu wanaweka matumaini makubwa kwako hata kama mfumo uliopo haukupi uwezo na rasilimali za kuyamaliza matatizo yao (kama Serikali haijapanga bajeti ya kutengeneza barabara inayohitaji bilioni 12 hata uwe nia njema kiasi gani barabara itabaki mbovu). Unachoweza kufanya ni kuendelea kujaribu na kuweka ubunifu. Lakini pia kuendelea kuwa karibu nao. Heshima wanayokupa ni deni ambalo lazima ulilipe kwa kuwatumikia kwa bidii na maarifa yote. Kidogo kidogo tutafika kule tunakotarajia.